Da u: C. Pynsakhiat Yeini Kyndiah, Loompyrdi Iongpiah Jwai
Ha ka sien wa ar wan u COVID-19,
Kamwa jliah u thlen katwa toh katwa tne.
Boonkaam kiwa stad kiwa chemphang,
Deiyi i dawai u yaleh wa kani ka khlam?
I dawai da yoh wow ya e tika,
Na kani ka khlam yoh u yada.
U yaleh pyrchah yoh i u ye,
Na kani ka khlam u COVID-19.
Mih saka khubor naka sorkar kamni,
Wymye u mih likreh likhih lym e tika phi.
Mih biang ka khubor na ka sorkar hi,
Yei e yei dam wymye u pynbor ya phi.
Klumar uwa baam na kti ha ktien donhi,
Ha r’dang ham booh da’u tylle pasi.
Du ki wow e nuwa em kiwa pynsñiawthooh.
Ham pynyang tharu naar ham pynyang rooh.
Kamwa e tika yei dap snem dap bnai ki khon ki kti,
Nuwa biang i sñiawthooh yow COVID-19 leh wymdam ki.
Yi ki wym kwah yei chait yei khiah ha pyrthai?
Du kiwa tieñ yap kat wym pu toh ka sngi wow lai.
Dei mynsien wakhian pynsñiaw O ha phi,
A phi kiwa yahkhmat ka sorkar yong i,
To e i che deiwa sñiawthooh wa tikna,
Yow ya ryngkat i im uwa yoh wow wa li mylla.
