U PN Syiem uwa lai uiñ biang cha ka Congress hadien wa da mih noh u palat 3 snem nachwa, da ong u wa ka Congress da em ko i kyrmen ha u snem 2023 wow jop kput yow chna sorkar ha ka jylla.
Da ong u wa ka sorkar synrop MDA ym emkaam de ko wow batai wa man ko kawa kammon neibhah ki paidbah hi da yoo ki yei tkoh yong ka sorkar wei ki paidbah kwah ki yei kylla.
Hajrong i yatoh yong oo wa uwa yahkhmat ka CLP, u Dr. Mukul Sangma, da ong u wa ym em iwon iwon i daw samen, tangwa da em i ya tyngkhooh ha ki kattu katni ki phang wei yaphær rukom pyrkhat donhi, da pyntipu leh wa da yaklam wa u Dr. Mukul ha ki kajiak sngi wa da dep heiwa da pyntip u wa da uiñ biang u cha ka Congress, wei pynsñiaw u yei kmen lada yoo wa u Vincent Pala wa u Dr. Mukul u yakrehlang ki.
