Ka khubor wa yoh slem hajrong iwa jia hei step synyaaw ka 14 tarik heiwa da em kawi ka Truck kawa da kylla wei da kop diñ ko.
Ini toh iwa da jia heipor kamwa 2:45 heiwa kani ka Truck toh ka 12 chaka kawa kit Cement kawa em Number AS-01AC-9127 wa yah da u Arwan Rymbai uwa na chnong Pasyih wei toh kawa wan neiliang Soomer yow lai cha Dawki.
Tangwa manda poi ko hajan lad Stadium, Ladthadlaboh na ki daw wym pu tip tikna da kylla wei da sdang ko wow kop diñ heiwa da wan da ki kari tympleh diñ yow tem yei diñ.
Uwa yah wa em hapoh kani ka Truck leh da mynsoo u wei da kit ya oo cha Jowai Civil Hospital, Ialong yow yoh yei sumaar.
Chwa ini, kani ka Truck da lai tyrrah ko leh ya iwi kynroh yong iwi i yung heiwa da ngat deilang kawi ka kari Bolero kawa em ha ini i yung.
Kawi won ka kari Alto 800 wa pynyieñ hajan i thaw wa kylla ka Truck iwa hajan i yung wa chah tyrrah leh da iñ ko malu mala neidaw wa kyrooh i diñ na kani ka Truck.
Neiliang ki pulit da wan taan ki ya kani ka Truck pyn ynnin hi ka sngi.
Discussion about this post