Jowai : Ynne i janmiet heipor kamwa 4:45 da kop diñ uwi u kum gas wa em ha iwi i dukan dai doh syiar, wa em hapoh ka rna wow ku cha ka Jowai Cooperative Urban Bank Ltd, (Merusa Building), Iawmusiang.
Ini da jia i heipor wa mut u Marsooki Biam, na Khliehtyrshi u thang u ya i doh syiar wa dai u.
Kani ka dukan toh ka yong u Kamal Tyngkan, na ka chnong Mooshrot wei da jia ini i kop diñ du hadien wa dep pyndait u ya uni u kum.
Ha ini i jia ym em wa mynsoo neibhah wa smat kini ki ar ngut wa em hapoh dukan wow patah ya uni u kum cha lait wei da tympleh ki ya ini i diñ.
U regulator wa u pipe wa pyndait ha u kum da iñkhaw u, wei neiliang ki pulit tympleh diñ kiwa wan cha kani ka thaw da sylli ki ya u kum heiwa da chem wa man u uwa lait la-ær.
Discussion about this post