Shillong: Da i thmu wow yoh ya i jop ha ka MLA Election 2018 ha ka jylla Meghalaya, u Laxman Giluwaji, MP ka BJP na Jharkhand, hei wan yoohkjat u ha nongbah Shillong, da kop u wa ka BJP da booh ko ya ka thong wow jop hadooh 40 ngut ki MLA yong ka ha ka jylla Meghalaya wei wow chna sorkar ko leh kamjooh.
Da ong u wa ka BJP u chna sorkar ko ha u snem 2018 ha Meghalaya wa em 60 ngut ki MLA deiwa kreh lang wa kiwi ki party lait noh na ka Congress. Da ong chooh chooh u wa ka BJP daw yakhun ko samen samen yow jop 40 ngut ki MLA yow yoh ko u synchaar samen ha ka jylla.
Da ong u leh wa daw poi cha kani ka thong lyngba i kreh chitom ki bru ka party. U Giluwaji da ong u wa ka party ymjooh yooluti ko wow jop ko ha Uttar Pradesh wa ha Uttarakhand, wei khlem pep kani ka jooh ka la-ær u wan ko cha jylla ka thaiñ Northeast.
Da ong u leh wa i thong ka BJP toh yow pynman ya ka ri India kawa lait na i synchaar ka Congress wei dang pteiñ ko yei kreh yow pynman sakhiat yeini.
Hei yatoh won wa em hi ki u kyrtong wow pynyieñ ka BJP kam u Montri Rangbah ka jylla da jubab wa ini chong i hei stat kiwa yahkhmat wa nakhlieh dooh yong ka seiñ.
Discussion about this post