U President ka Voice of the People Party, u Ardent Basaiawmoit da pynsñiaw u yei wym hun yei rukom pynlai ya ka dorbar heiwa ym em man ko kawa salonsar neibhah ki kam ka liang pyrchah ym em yoh ki wow kylli ya ki mat wa emkaam kamjooh wow pait bniah wei wow paan pynche yeiwa da kam ka sorkar.
Da ong u leh wa da chah khanglaad ki deiwa e daw da kini kitai ki kyndon wei i pynman dorbar leh toh kawa duna por bha wei ym yoh leh u yaklam ya ki phang wa chah ktah ki paidbah wei kut wa wanrah yaklam ka Liang Pyrchah ya ka phang wa rap wit ka sorkar, neiliang ka Liang Synchaar da chrai pathan ki.
Heiyatoh wa i dawa ILP, u Ardent da ong u wa kopsar u Chief Minister da kot kdang u wow sñiaw yei kyntien ILP wei da ong u wa ynne da kylli u wa heipor wa pynmih ya ka Presidential Order yow pyndam yei kyntien Khasi wa Jaiñtia napoh ka aiñ ILP ileh wym em pyrchah ka sorkar neibhah iwa leh u President ym chah ko wot da ka Constitution ka ri, kamtæ da kylli u wa lada chimkhia sakhiat ka sorkar tangwa da yoh jubab pathan deiwa chrai u Chief Minister uwa da pynbaad kylla ya ka Liang Pyrchah iyi leh ki neibynta wow pynyoh ILP.
Kamtæ da ong u wa ymtoh oo wa sdang yeiwa mih i yakbai ya awri, tangwa u Chief Minister uwa chrai manda kylli u yeiwa biang.
Discussion about this post