U General Secretary ka Khasi Student Union (seiñ bei), u Donald V Thabah da ong u wa katni ka jylla Meghalaya da em ko 50 snem wei da jan em leh 50 tylli ki mynsiem bru kiwa da dooh hei ya kajia khappood. Da ong u wa kopsar hei dap 50 snem ka jylla da emkaam 50 tylli ki khlieh bru.
Uwa yahkhmat ka KSU da beiñ u leh ya ka sorkar Meghalaya kawa chna ya ki Battalion ym toh wow yada jaitbru tangwa wow yada ya kiwi won. Da ong u wa da chna ya ki Special Force wow kdoh u khoom ya ka HNLC tangwa da chna Special bait wow chong Special du ha Shillong wei leh wym phah Special cha khappood wow yakhun ya ki pulit Assam. Da ong chooh chooh u ileh wa ka sorkar ym chna ko ya ka Border Special Force wow yada ya ki khappood lada sñiaw ko wa em sakhiat i kitkhlieh.
Da ong u leh wa mar ya chah siat ki san ngut kiwa chong chnong ha Mukroh iyi wa da leh ka Meghalaya toh wow phah ya ki pulit ha kylleiñ ki chnong Khasi katwa wow yakhun pyrchah ya ka sorkar Assam won da khang pathan ya ka Internet, wei da kylli u leh wa hadooh katwon ki kuli yong ka Internet khlan ki wow pynhær ya ki pulit Assam.
Ki san tylli ki seiñbhalang wa kynthup ya ka Khasi Students’ Union, ka Federation of Khasi Jaintia and Garo People, ka Jaintia Students’ Union, ka Hynniewtrep National Youth Front bad ka Ribhoi Youth Federation da pynman ki ya ka yalang sñiawlem ya kiwa chong chnong ka Mukroh wei kamjooh i thang mombati neibynta ki mynsien wa da khlaad hei chah siat ha ki pulit Assam.
Ha kani ka yalang da rah leh ya ki kot rben wa da em ki kyntien beiñ sorkar Assam wa Meghalaya wa kamjooh ya ki pulit Assam heiwa da kbai leh ya ki kyntien beiñ sorkar wa pulit. Ha kani ka yalang da wan chimbynta lang leh da kiwa yahkhmat chnong na Mukroh wa kynthup ya u Hopingson Maskut uwa man u Waheh Dong wa kiwi kiwi.
