Kopsar ka DSC ha West Jaiñtia ym em de bood ko ya ki aiñ: HITO

Ynne ka sngi ka HITO-Jowai Circle da e dorkhat ko ha u Chairman wa Secretary ka DSC ka West Jaiñtia Hills heiwa da kyntu ko ya ka Committee wow bood ya ki kyndon wa da booh ka sorkar neibhah wa da chem ko wa em ki bynta wa emkaam u pynbait khnang wa i thung kreh u man iwa bait wa iwa khooid.

Ka seiñ da ong ki ym em hun ki yei rukom thung kreh ka DSC wei da kyntu wow pynbait katkam ka 1:2 Ratio, heiwa u em 50 ngut ki wow yakhun ya 25 tylli ki kreh.

Ka seiñ da sñiawkhia ko leh yei wym che wei khooid i rukom pynbna ya ka Result neibynta i kreh Typist deiwa maham wa lada ym chimkhia yeini daw leh deiwa khor katkam ki bor ka aiñ wow pynyoo pyrthai yei wym khooid i rukom kreh ka DSC. 

U Owansaki Paswet uwa man u President ka seiñ da ong u wa katkam wa man katni, ki Post LDA cum Typist wa da Advertise da ka DSC em ki 54 tylli ki kreh wa lait wei lada lai katkam ka 1:2 Ratio toh u em 108 ngut kiwa ye u yakhun ya ka Personal Interview.

Related posts

Wa e mon ka Star Cement hadooh wa pynyap bru kiwa yah kari ko: Jaiñtia Women Council

May 19, 2025

Nei wym e laad ka Truck ka Star Cement wow chim Pass poi cha iwa jia | Siat kuli leh ki Security: KSU

May 19, 2025

Da ong u leh wa ha u snem 2019 da e laad hadooh 3 sien ya ki khynnah wow pyndap ya ka 1:2 Ratio neibhah ha utu u snem em 35 ngut, wei ileh won ha uni u snem 2024 ym em leh kamtæ, deiwa ong leh wa kopsar ym em de u bood ka DSC ya ki aiñ!

Heijooh i por da ong u wa ini i leh ha ka DSC man iwa pyndooh myntoi ya ki khynroo khyllood deiwa dawa leh wa neini chaphrang ka DSC toh u pyndep ko yei kaamram yong ka wow thung kreh hapoh 6 bnai nadooh wa pynman ya ka Exam.

Chooh chooh ka seiñ da dawa ko wa ki kreh wa dang sah ha ka kyrdan Grade III wa Grade IV toh u Advertise noh khlem pynslem.