Krehkaam i tynrooh ka KSU, kohngooh ka MPSC wow pynlait paidbah ya ki Marks yong waroh kiwa yaleh MCS

Ka Meghalaya Public Service Commission (MPSC) da pyndem wei da kohngooh ko wow pynlait paidbah ya ki Marks wa da yoh waroh kiwa yaleh ya ka Meghalaya Civil Service Examination hapoh 24 kynta.

Yeini da pynbna da u President ka Khasi Students Union (KSU), u Lambokstarwell Marngar hadien i yaklam wa u Chairman ka MPSC, u PS Marwein ynne ka sngi.

Ini mut i wa ka MPSC da pyndam noh yei pynbna wa da pynmih ha ka 6 tarik uni u bnai deiwa paan bor na kiwa yaleh MCS chwa wow pynmih paidbah ya ki Marks wei u pynlait paidbah lut ya waroh ki Marks wa da yoh da waroh kiwa yaleh.

Kiwi de ki rai kiwa da chim hapyrdi ka KSU wa ka MPSC toh wa ki Roll Number toh u man ki ki jooh bait nadooh wa yaleh ya ka Prelims hadooh ka Personal interview neibynta ka Civil Service Exam.

Related posts

Kyntu ka seiñ Hindu ya ka USA wow chimkhia yei chah thombor ha Bangladesh wa Pakistan

January 18, 2026

Kayi ka Nobel Prize? I pynche wa tbian khamtam hadien wa e kti ya ka Peace Prize cha u Trump

January 18, 2026

Da mynjur leh wa ya ki Answer Key yong ka Prelims u pynlait wa kynthup ya kiwa bakla wa kiwa dadep pynbait hapoh 24 kynta.

Ka KSU da dawa ko wa ya ka Personal Interview yei kreh Meghalaya Police Service toh u pynman katkam wa da pynbna ha u 2019, ka wow man katkam ka bhah (Ratio) 1:2:5, ym kamwa da pynbna ha ka Office Memorandum wow man 1:1:5. Tangwa hajrong ini, ka MPSC da paan por ko neibhah wa daw hap chong pyrkhat chwa wa ki dkhot. Tangwa ya ka Personal Interview kawa da booh wow pynman ha ka 20 wa 21 tarik uni u bnai da man ko kawa da pyndam chwa hadooh wa da pynbna da kamwi won.

Ha kani ka yakhih ka KSU kawa da pynman ynne ha pchem ka yung krehkaam ka MPSC, da thang leh yei dur bula ka MPSC yow dawa pynbait yei kynrum kynram hapoh ka Commission.