Shillong : Hadien wa da pynbna ki kattu katni ki seiñbhalang ka ri-loom Garo yei khang sarok, ki bor district ka West Garo Hills da pynkrehkaam ki da ka kyndon aiñ Section 144 yong ka CrPC.
Ki seiñbhalang da pyntip ki wa u khang sarok miet ki ha kylleiñ ka ri-loom Garo wei u khang ya ki sarok ha ka 14 wa ka 15 tarik uni u bnai nadooh 7:00 waje i miet hadooh 5:00 waje i step.
KIi bor district da mana wymhoi u yalang næ em ki bru san ngut cha neiñ chirup ha ki thaw paidbah, ki sarok wa kiwi kiwi iwa pynthut yei lai i wan ki kari wa ki paidbah.
Heijooh i por da mana wymhoi u murieh næ rah ya ki tiar pynmynsoo kam ki dieñ, ki moo, ki tari wa kiwi kiwi.
Kani ka hukum ym krehkaam ko ya ki chipai, ki pulit, wa kiwi kiwi kiwa da phah wow kreh yow wanrah yei chongsuk chongsaiñ
Discussion about this post