Ki SHG na kylleiñ ka jylla Meghalaya da yahkhmat ki neibynta ka Har Ghar Tiranga Campaign yow booh lama ka ri ha waroh ki yung deiwa soor ki ya ka lama ka ri.
Kam wow pynkynmoo wa ka sorkar da pynchlur ko wow booh lama nadooh ka 13 hadooh ka 15 tarik uni u bnai kam chibynta u lehkmen wei wow pynoo yei mynsien chongchit wa da yoh laitlooid ka ri la 75 snem iwa da e pyrtuid Azadi ka Amrti Mahotsav.
Neiliang ki SHG ha waroh ki District da e ki yei krehlang deiwa soor lama yow lehkmen ya ka ‘Har Ghar Tiranga’ deilang wa ka ri waroh kawi.
I thong toh wow pynhær ya ka lama ka ri ha waroh ki yung yow pynyoo yei mynsien maya ri kamjooh yow pynsñiawthooh chaphang ka lama ka ri.
