Ksoh ka JSM ya ka Bus kawa kit tooh ya u Supari ha Ialong

Ka Jaiñtia Student’s Movement Western Region ynnin ka miet da ksoh ko ya kawi ka Bus Night Super kawa em u Number AS 01 NC 0243  wa wan na Silchar wei kawa lai cha Guwahati Assam. 

Ka seiñ hapoh i yahkhmat u Ribok Biam, Education Secretary JSM Western Region hadien wa yoh yutip ko wa kani ka Bus kit ko ya u kwai wa raw næ Supari da yang ki ya ka ha Tollgate, Ialong. 

ADVERTISEMENT

Ka seiñ da phylla ko ya ini i mar wa kit tooh kani ka Bus da lait ko deiwa kylli leh wa kammon ki pulit ym chah ki ya ki kari wa kit ya ki mar rep hapoh ka jylla kam ha ini i por. 

Da chem leh wa hapoh ka Bus da em du 9 ngut ki bru katwa u Supari wa kit won da em u 45 churia wei ya kani ka Bus da ekti noh cha ki pulit ka Phramer wow leh yeiwa emkaam dei dawa na ki bor ka aiñ wow pynchitom ya u tre ini i mar. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ hawa yaklam wa uwa yah kani ka Bus, da pyntip u wa da yoh ya ka Pass wow kit ya kini ki bru wei da phylla ko wa kammon da kit u leh ya uni u Supari heiwa da pyntip u wa da dep su ya ka bai bnai cha ki Toll Gate.