Ynne ka 6 tarik, ki dkhot yong ka KSU Wapung Unit da ksoh ki ya le ngut ki ki baar jylla kiwa thmu wow wan dai tiar da ka kari wa em ya u Number AS-11DC-6291 kiwa wan na Silchar.
Tangwa manda poi ki ha Wapung da mut ki wow psiah cha ki yung wa em rap cha kdong heiwa heini i por ki dkhot da yoh ki wow ksoh ya kini wei da chem wa ym em ki ya ki kot ki sla kiwa biang.
Neiliang ka seiñ da e ko dei sneiñ wei da ekti wut wut cha ki bor yong ka aiñ.
Ka seiñ da ong ko wa ini i yoh psiah pyrchah ya ka aiñ da ki baar jylla da booh ko hei maa ya kiwa chong chnong khamtam ha i por sngi wa duna bru neidaw wa boon kiwa lai skur, lai kreh wei kini ki bru ye ki wow lute wei wow leh ya ki kaam wa sih.
Kamtæ neiliang ka seiñ da maham ko deiwa eh ya kini ki baar jylla wa neini chakhmat lada chem biang, daw e dei sneiñ wa khor.
Ka seiñ da kyntu ko ya ka sorkar wa toh u pynkrehkaam smat ya ka ILP waka MRSSA hapoh ka jylla khnang wow lait nei wan psiah pyrchah aiñ ki bru kiwa na baar.
