Ksoh kiwa na Assam ya ka Police Escort, sahkut deilang wa u Montri warim ka Meghalaya

I yakhih ka seiñ kari kamai ka Assam deiwa khang ya ki kari Meghalaya nadooh Jorabat da wanrah yei tkok wei pynthut yei lai i wan ki paidbah na waroh ar jylla.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Ha kani ka yakhih wa da sdang ynne i step, kiwa chah ktah ym du ki bru paidbah, ki heh ki haaiñ sorkar leh da chah ktah ki wot ka kari u Montri warim ka sorkar Meghalaya, u Rakkam A Sangma wot hapyrdi i synraan da ki kari Police Escort.

U Rakkam da sahkut u ha Jorabat wei katkam ka Video wa da poor, da yoo wa kiwa yakhih na Assam ym e laad ki ya ka kari pulit Meghalaya wow psiah cha Assam, tangwa suki suki deiwa tuklar ki pulit katai ka thaaiñ da yohlaad wow lai chakhmat.