Ka la-ær wa u slap wa joor da ktah ki ya kiwa boon ki chnong ha kylleiñ ka jylla, wei yeini da sakhi leh ha chnong Daistong, East Jaiñtia Hills ynnin i janmiet ka 15 tarik.
Katkam ka yutip wa da yoh da ong wa ynnin i janmiet heipor kamwa 6:30 hadooh 7:00 waje, syndet da wan u slap, ka æryong kamjooh wa u phria wei da chah khyndang ki tnoom yong ki ar tylli ki yung wei da chah rah ki hadooh kamwa 100 Meter.
Kini ki yung toh ki yong u Old Dkhar wa u Phien Sutnga ya kiwa da chna da i khyndaw-bilat wei da sap tnoom da ki tin wa ki dieñ (yukhap wa bahtympha).
Neiliang ka dorbar chnong da kyntu ko ya ki bor sorkar wow pynsmat u e yarap cha kini ki manyung wa da chah ktah ha kani ka æryong.
