Jowai: Ka Khasi Students’ Union (KSU) War Jaiñtia Circle hapoh i yahkhmat yong u President u Laitphar Syngkrem, u Kindly Khyriem, Finance Secretary wa u Lurman B. Talang, General Secretary da lai yachem ki waka Sub-Divisional Officer, Amlarem Sub-Division heiyatoh i rukom thap pyrtuid haka Meghalaya Health Insurance Scheme (MHIS) heiwa ki paidbah da hap ki wow wan chadooh cha ka yung krehkaam ka SDO Amlarem yow yoh ki u em pyrtuid hapoh kani ka Scheme sorkar.
Ka seiñ da ong ko wa ini da ktah ko chiboon ya ki paidbah ka thiaañ War Jaiñtia neidaw wa em ki khynnah wa dang lai skur chem chitom ki wow wan chadooh Amlarem.
Ka seiñ da kyntu ko yaka SDO wow phah biang ya kiwa chim pyrtuid ka MHIS wow wan biang cha waroh ki chnong hapoh ka Amlarem Sub-Division khnang wow pynsuk chiboon ya ki paidbah, khamtam yaki manyung wa dooh wa duk, teiñ teiñ da hap ki wow wan cha Amlarem ar sien le sien.
Neiliang ka SDO da pyntikna ko wa ha u bnai wow wan daw phah biang ya ki wakreh ka MHIS cha waroh ki chnong hapoh ka Amlarem Sub-Division.
Ka seiñ da kyntu ko leh yaki paidbah wa ym toh u dooh kyrmen ki hajrong kani ka Scheme, wei heijooh i por ka seiñ kyntu ko leh ya ki waheh chnong wow ya krehlang ki wa ki wakreh ka MHIS khnang wow ye ki u pyndep tikna yei kaam yong ki neibynta u yoh myntoi u paidbah paidsan.
Discussion about this post