Kthang ki paidbah wa duna doctor ha Khliehriat CHC : AJYWO

Khliehriat : Ka AJYWO Central Body da pynsñiaw ko yei khia mynsien wa joor neidaw wa duna ware ki doctor ha Khlierhiat CHC ka thaw sumaar wa yabi wa ka Hospital wa 100 pyllong.

Hadien wa ood ki paidbah wa duna doctor kani ka thaw sumaar ka AJYWO Central Body hapoh i yahkhmat u M H Dkhar, President ka seiñ ryngkat u WS Suting President ka AJYWO East Jaiñtia Zone, da lai yachem ki wa Acting DM & HO ka East Jaiñtia Hills District wow yaklam hei yatoh wa ini.

Ha ini i yachem ka seiñ da chem ko yei tkhoh i rukom krehkaam kani ka thaw sumaar heiwa du neidaw wa duna ki doctor katkam ki post wa da bhah da sanction neibynta kani ka CHC.

U M.H Dkhar da ong u, “Katkam wa man katni kani ka thaw sumaar em du uwi u doctor kattu la ar tayaw iwa da ktah ya ki paidbah. Uni u doctor haap pait u ya ka post-mortem, ki medical check-up wa wanrah ki pulit, ya ki In-Patient, ki out-patient, wa kiwi kiwi iwa ktah joor yei kreh uni u doctor”.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong chooh chooh u wa i wym wai ya kani ka Hospital wa 100 thawthiah wa da dep chna la kattu katni snem da ktah joor ko ya ki paidbah.

Kamtæ ka AJYWO da dawa joor ko na ka sorkar wow wai noh ya kani ka Hospital 100 pyllong ha Khliehriat wei wow pynbiang noh ya ki doctor wa emkaam hapoh kani ka thaw sumaar kamjooh leh ya kiwa kreh.