Kiwa yoh COVID-19 ha Meghalaya ha uni u bnai da sdang ku biang ki nadooh ka 16 tarik wa em 31 ngut kiwa dang yoh katwa ynne kiwa dang yoh da em ki 28 ngut.
Na kiwa dang yoh kiwa boon toh na NEHU Tura Cluster, West Garo Hills wa em 19 ngut wa 8 ngut ha NEHU Cluster, Shillong katwa uwi won da chem deiwa leh Screening ha East Khasi Hills.
Kiwa dang chait da em ki 4 ngut kiwa na East Khasi Hills (03) wa ha West Jaiñtia Hills (01).
Ha ki sngi chwa ynne kiwa dang yoh da em ki hapoh 11 ngut wei da em leh ki sngi kam ha ka 18, 20, 21 wa 22 tarik wym em kiwa dang yoh.
Kiwa dang chah ktah hapoh ka jylla da em ki 65 ngut kiwa em ha West Garo Hills (35), East Khasi Hills (15), Ri-Bhoi (14) wa ha East Garo Hills (01). Na kini kiwa thiah Hospital da em ki ha West Garo Hills (06), Ri-Bhoi (02) wa ha East Khasi Hills (01).
Waroh kiwa da chah ktah da em ki 93947 ngut, kiwa da chait 92288 ngut wa 1594 ngut kiwa da yap.
