Hadien 5 sngi wa neh kiwa yoh hapoh 200 ngut wei ar sngi wa boon da kiwa chait ha Meghalaya, ynne ka sngi kiwa dang yoh da tam ki 200 ngut deiwa ku kiwa dang yoh ha ki 3 tylli ki District wei da ini da pynpoi ko leh wow tam 80,000 ngut kiwa da dep yoh COVID-19 ha Meghalaya.
Kiwa dang yoh ynne ka 23 tarik da em ki 263 ngut, kiwa dang chait da em ki 162 ngut, wa 1 wa yap (wym pu em yoh tika) ha East Khasi Hills.
Na kiwa dang yoh kiwa boon dooh toh ha Ri-Bhoi (89), West Khasi Hills (69) wa ha East Khasi Hills (68) katwa ha kiwi ki District da em ki hapoh 20 ngut kiwa duna dooh ha North Garo Hills (00), South Garo Hills (00), South West Garo Hills (00), East Jaiñtia Hills (01) wa ha East Garo Hills (02).
Ki District wa boon dooh kiwa dang chah ktah toh ha East Khasi Hills (886), West Khasi Hills (411), West Jaiñtia Hills (274) wa ha Ri-Bhoi (225).
Ki District wa duna dooh kiwa dang chah ktah toh ha South Garo Hills (03), South West Garo Hills (05), North Garo Hills (06), East Garo Hills (10), East Jaiñtia Hills (26) wa ha West Garo Hills (34).
Waroh kiwa da chait da em ki 95.82% kiwa em 76,892 ngut, kiwa dang chah ktah da em ki 2.45% kiwa em 1968 ngut, kiwa yap 1.72% kiwa em 1386 ngut, deilang dapoi 80,246 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 14,95,501 sien heiwa ynne ka sngi da e 8006 sien wa kynthup ya ki HCW 46 ngut, ki FLW 236 ngut, kiwa 18 snem chaneiñ 6637 ngut wa kiwa 45 snem chaneiñ 1087 ngut.
Waroh kiwa da yoh tika chisien da em ki 10,63,807 ngut wa 4,31,694 ngut kiwa da yoh la arsien.
Kiwa dang yoh, kiwadang chait, kiwa dang chah ktah wa kiwi kiwi man ki kamni ha wah:
