Kiwa yap ha Garo Hills nei chlai um dapoi ki 17 ngut waroh heiwa 12 ngut da yap ki nei oor khyndaw, ar ngut nei ngam um katwa uwi won toh uwa chah ban ha u dieñ kiwa da jia ha East, West wa South Garo Hills District.
Da em leh ar ngut ki khynnah kitæ u Silarin Marak (8 snem) wa u Tangme R Marak (3 snem) kiwa da yaap hadien wa haap ki hapoh ka Septic Tank kawa da chlai um kawa dang tih kawa em hadien yung ki wei ini toh iwa da jia ha ka 5 tarik ha North Garo Hills.
Neiliang u Montri Rangbah, u Conrad Sangma ynne da lai u cha West wa South Garo Hills yow lai yachem wa kiwa ha-yung kiwa da khlaad heiwa da e kti u Rs. 8 lak (neibynta ki ar ngut) cha ka manbei kawa da dooh ya u kurim wa u khon ko nei chlai um kiwa da chah rah ka kari ki ha ka um heiwa yei metyap ki da chem na kawi ka lyngkha.
U Conrad da lai e yarap u leh Rs. 4 lak cha kiwa ha-yung ka Sanira Marak (18 snem) kawa da yap nei oor khyndaw ha chong Karonggre, West Garo Hills.
Da lai e yarap u leh Rs.4 lak cha kiwa ha-yung u Miando P Marak (5 years) uwa da yap nei oor khyndaw heipor wa dang kyndeh ke u hadien i yung wa sah u ha chnong Sorokpara, Dalu West Garo Hills.
Discussion about this post