I thooh ya ki chipai ka Indian Army dang pteiñ i hadooh ynne ka sngi kamjooh i e yarap da i baam i dih, ki dawai dachin ya kiwa chong chnong wa kiwa uiñke suwari ha North Sikkim.
I thooh ya kini ki chipai da hiar i chawah cha Teesta Barrage wa ha Burdang hajan ka Singtam heiwa da ye u khloh ya ki kari ki chipai wa da chah ban hei ktieh wei da poi leh ki Tiranga Mountain Rescue (TMR) chirup wa ki ksaw namo ki Tracker Dogs, ki tiar kam ki Radar wow yarap thooh ya kiwa chah tlep.
Ki bru wa da yoh u pynlait da yoh ki wow klam lyngba ka Phone cha kiwa ha-yung yong ki hadien wa kmai syndet ka wah Teesta ha Sikkim ha ka 4 tarik.
Chooh chooh ki TriShakti Corps yong ka Indian Army da yoh yukheiñ ki wa em 1471 ngut kiwa uiñke suwari ha Lachen/Chatten, Lachung wa Chungthang.
Da pynman leh ya ki sorjamin da ki chnat waphær waphær yow tip hadooh katwon iwa chah ktah wei wow sdang kreh ya ki sarok.
U sarok na Singtam wa Burdang katkam wa man ynne da chna ya oo wow lai ki kari du chiliang donhi.
Hadooh ynne da em kamwa 40 ngut kiwa yap na ini wa jia wei 22 ngut kiwa yap toh kiwa chem na ka wah Teesta.
Discussion about this post