I thooh ya ki chipai wa ki bru wakreh chna luti rel da ki Indian Army, Assam Rifles, Territorial Army, SDRF wa ki NDRF ha Tupul, Manipur dang pteiñ i hadooh katni hapyrdi u slap wa joor kamjooh i oor khyndaw.
Kam wow pynkynmoo heini ha i miet ka 29 tarik Naiynru da em i oor khyndaw ha i thaw sah kiwa kreh ha ka luti rel Tupul Railway Yard, Noney District ka jylla Manipur heiwa da antaad wa da em palat 50 ngut kiwa da chah tlep.
Neiliang ki chipai katni da pynemkaam ki da ki Through Wall Radar kamjooh ki ksaw thooh bru (Rescue Dog).
Hadooh katni da ye u pynlait hadooh 13 ngut ki chipai Territorial Army wa 5 ngut ki bru paidbah wei da ye leh wow sai ya ki metyap yong ki 23 ngut ki chipai Territorial Army wa 11 tylli ki metyap ki bru paidbah heiwa ynne i step da ye wow sai sa 6 ngut iwa da pynpoi ya kiwa yap cha 40 ngut ha ini i jia.
Kiwa dang sai ynne 4 ngut toh ki bru ka 107 Territorial Army, uwi uwa kreh mylla katwa uwi won ym pu tip uyi.
Ya ki metyap ki 7 ngut ki chipai kiwa da chem chwa da kit cha ki yung ki da ki lieñsuiñ ki IAF wa ki Indian Army Helicopter cha Kolkata, Bagdogra wa Agartala deiwa lehwarom leh ya ki.
Hadooh ynne ka sngi dang pteiñ i thooh ya ki 21 ngut ki chipai wa ki bru paidbah kiwa dang wiar.
