Kiwa yoh COVID-19 ha India ha kini ki sngi wa dep da sdang ku biang ki iwa da pynman ya kiwa dang chah ktah wow em ki palat 25,000 ngut hadooh ynne i step.
Ha kini ki 24 kynta kiwa dang yoh da em ki 5,335 ngut katwa kiwa dang chait da em ki 2,826 ngut wei ym em wa yap. Kini kiwa dang yoh toh iwa boon dooh hadien 5 bnai wa da em palat 5000 ngut kiwa dang yoh ya uni u khñiang.
Na kini kiwa dang yoh kiwa boon toh ha Kerala 1912 ngut, ha Maharastra 569 ngut wa ha Delhi 509 ngut.
Ki Test wa da leh ha kini ki 24 kynta toh 1,60,742 tylli iwa mut kiwa chah ktah da em ki 3.32%.
Kamtæ kiwa dang chah ktah da em ki 25,587 ngut (0.06%), kiwa da chait 44182538 ngut (98.75%) katwa kiwa yap won 530929 ngut (1.19%).
I dawai tika wa da dep e toh 2206618366 sien hapoh ka ri.
Kiwa dang chah ktah won ha Meghalaya da em ki 2 ngut.
