Ka Ministry of Coal da pyntip ko wa i pynmih mooyong hapoh India da ku da 16.39% cha ka 607.97 MT nadooh u Apr-Dec u snem 22 hawa nujor wa ka 522.34 MT wa da pynmih ha i jooh i por ha u snem mang tangka warim.
Ka Coal India Limited da pyntip ko wa i pynmih ya u mooyong da ku da 479.05 MT hadooh u Kmaichonglad (Dec) u snem mang tangka 2023 hawa kheiñ ya i 413.63 MT neibynta u snem mang tangka 2022, iwa da ku da 15.82%.
Ka Ministry of Coal da wai luti ko leh wow pynlait chooh chooh ya u mooyong wa ye u tih ha ki thaw tih mooyong wa tip kam ki Captive Coal Blocks iwa da wanrah ya ini i ku i pynmih mooyong da ki Company da 31.38% iwa 81.70 MT heipor Apr-Dec u snem 2022 hawa nujor ya i 62.19 MT wa da pynmih ha u snem mang tangka warim.
Ka Ministry of Coal da pynkylla ko leh ya ki kyndon ka Mineral Concession (Amendment) Rules, 1960 hapoh ka aiñ MMDR (Amendment) Act, 2021 yow e laad ya ki thaw tih mooyong wow dai ya u mooyong deilang wa u Lignite da 50% ya uwa da pynmih tam hadien wa da ye u pynhun ha kiwon ki jait karkhana wow pynemkaam ya uni u mooyong.
Ka Ministry leh da chim ko ki laad ki luti wow pynboon ya ki luti rel wa lai cha ki thaw tih mooyong hapoh ka PM Gati Shakti yow pynsmat u kit ya u mooyong. Ini da wanrah ko yei ye wow kit smat ya u mooyong wa dapoi 637.51 MT ha u Apr-Dec u snem 2022 hawa nujor wa i 594.22 MT ha i jooh i por yong u snem mang tangka warim iwa da ku da 7.28% iwa pynyoo yei smat i pynpoi mooyong cha kiwa boon ki bynta ka ri.
Chooh chooh da pyntip wa dei thmu wow pynku yei ye u pynmih mooyong, ka Ministry of Coal da pynlait ko sa 141 tylli ki Coal Block yow dai lilam yow kreh da kiwa boon ki Company deiwa pait leh hadooh katwon ye ki wow pynmih mooyong wei ini waroh da mih soh mih sla ki.
