U A. L Hek, Montri ka chnat Fisheries ka sorkar Meghalaya da lai chimbynta u ha ka 2nd Fisheries Summer Meet, 2024 wa da pynman ha Madurai, Tamil Nadu da ka Department of Fisheries ka sorkar India heiwa Rajiv Ranjan Singh, Union Minister of Fisheries, Animal Husbandry and Dairying, ka sorkar India deiwa sakhi kiwi ki Montri Khynnah ka sorkar pyrdi da wai u boon tylli ki kaam hapoh ka PMMSY wa kynthup ya ka ki kreh wa chongdor Rs. 57 lak neibynta ka Ri-Bhoi District yow booh Fish Kiosk ha Liarbang, ka Biofloc Pond ha Mawkangi, Mawiong, Sohbang wa ka thaw pynskiah pyllieñ dakha ha Lalumpam Marngar.
U Hek hawa e yei klam da ong u wa hanla i psan dakha ha Meghalaya toh iwa dang hei rta wa dang khian, katni da em palat 35,000 ngut kiwa psan dakha ha ki thaw wa heh 4,500 Hectare wei i pynmih dakha leh da ku da 12.33% iwa 4799 MT ha u 2011-12 cha 20,208 MT ha u 2023-24 wei yeini da ye wow leh deiwa yarap ka sorkar pyrdi waka sorkar jylla.
Da khana u leh wa i khlan baam dakha ki bru ha Meghalaya da ku ko cha 11 kg uwi u bru ha ka chi snem iwa da ku bha hawa nujor ha ki 5 snem wa da lai wei ini da wan lyngba lyngba ka Blue Revolution wa PMMSY wei lyngba kini ki Scheme da wanrah 2,299 Hectare i thaw wa da pynemkaam yow psan dakha.
Discussion about this post