Ku i yap cha ka 723 ngut na u Coronavirus kiwa chah ktah won cha ka 35,500 tam

Ka National Health Commission ka China ynne ka sngi da pyntikna ko wa kiwa yap na u khñiang Coronavirus hapoh ka ri da kynjoh i cha ka 723 ngut.

Ynnin ka sngi kiwa da yap na uni u khñiang da em ki 637 ngut iwa mut da yap kamwa 86 ngut hapoh 24 kynta hapoh China.

Chooh chooh da pyntikna ko wa kiwa chah ktah namo kiwa da bi kjut na uni u khñiang won da kynjoh i cha ka 34,598 na ki 31,211 ngut iwa mut wa da ku i boon kiwa yoh khñiang cha ka 3387 ngut ha ki 24 kynta.

Ka Commission da ong ko leh wa dang booddien (medical observation) ko ya ki 1,89,660 ngut wa suba wa em ya u khñiang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong ko leh wa katkam wa man katni na kiwa chitom na u Coronavirus da em palat 2,050 ngut kiwa da yoh u mih na ki thaw sumaar hadien wa da chait (Recovered) ki.

Neiliang ka National Supervisory Commission ka China ynne ka sngi da chah ko ya ki bru wow sylli wow takit ya i man i long hapoh ka nongbah Wuhan kawa man ka nongbah ka Hubei Province.

Daw takit leh yei yap u Dr. Li Wenliang, uwa man u doctor ha ka Central Hospital of Wuhan, uwa da yap ynnin ka sngi na uni u khñiang.