Ku i yoh ka Meghalaya naka GST da 17% ha u Naichiphaw

I yoh lum poisa naka GST neibynta u Naichiphaw, 2023 dapoi ko ₹1,72,003 klur hapoh ka ri heiwa na kani ₹30,062 klur toh ka CGST, ka ₹38,171 toh ka SGST, ka ₹91,315 klur (wa kynthup ya ka ₹42,127 klur kawa yoh na ki mar wa wanrah na baar ri) kam ka IGST waka ₹12,456 klur (wa kynthup ya ka ₹1,294 klur na ki mar wa na baar ri) kam ka Cess.

Ka sorkar pyrdi da dep ko wow su ₹42,873 klur cha ka CGST wa ₹36,614 klur cha ka SGST naka IGST. Waroh ka poisa wa da lai cha ka sorkar pyrdi waka sorkar jylla neibynta u Naichiphaw, 2023 hadien wa dep u su lut dapoi ko ₹72,934 klur naka CGST wa ₹74,785 klur naka SGST.

Ka poisa waroh da dep lum naka GST neibynta u Naichiphaw, 2023 toh da ku da 13% hawa nujor wa uni u jooh u bnai yong u snem wa da dep. Ha u Naichiphaw ka poisa wa da lum nei ya dai ya thied hapoh ka ri (deilang wa ka dan yong ki mar na baar ri) ini leh da ku da 13% hawa nujor yong u jooh u bnai ha u snem wa dep.

Deiwa kheiñ yonglang i yoh lum man-u-bnai lyngba ka GST neibynta u snem mang tangka 2023-24 da man ko ₹ 1.66 lak klur iwa da ku da 11% neibynta i jooh i por yong u snem mang tangka yong su snem wa dep.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh waka jylla Meghalaya da ku da 17% hadien wa dep u su lut waroh i jait tangwa da ku da 33% i lum poisa hawa nujor wa u Naichiphaw yong u snem wa dep.