Hadien wa sdang joor u slap ha kini ki kajiak sngi uwa da yooluti ki paidbah ka jylla, ka um wa em ha Umiam leh da sdang ku ko iwa da wanrah kyrmen ya ka jylla wow lait noh nei chah pyndooh bordiñ.
Hadooh ynne ka sngi hadooh i por 5 waje i janmiet, ka um ha ka nan Umïam da ku ko kamwa 6 phut na iwa duna ko hachwa u slap kawa em du 3165 phut iwa da ku cha ka 3171.98 phut.
Hanla u slap da joor u nadooh i step yong ka sngi Thohdieñ yong ka tayaaw wa dep, ka um ha Umiam dang duna ko sa kamwa 50 phut neibhah ka um ha kani ka nan ye ko wow psiah hadooh 3220 phut.
Kam wow pynkynmoo wa ka sorkar da pynsñiaw ko wa du u slap donhi u wow ye u pynlait ya ka jylla nei duna bordiñ heiwa katni ym duna ya 10 kynta chi sngi i dooh bordiñ.
![](https://i0.wp.com/wyrta.com/wp-content/uploads/2023/06/jdnjs.jpg?resize=962%2C541&ssl=1)