Ka Dam Umïam kawa man kawi na ki tyllong um wa ka jylla da chaniah ko yow pynmih bordiñ, da sdang ko wow khai im biang hadien wa da pteiñ u slap ha kini ki sngi wa da dep, wei ini i ku ka um da wanrah yei kyrmen ya ka jylla wow lait noh nei chah pyndooh bordiñ.
Hadooh ynne ka 29 tarik heipor 5:00 waje i janmiet, ka um ha Umïam da ku ko na iwa em ko nachwa u slap na 3165 phut cha ka 3192.1 phut, wei dang duna sa kamwa 28 phut yow dap pura kamwa da booh wei toh u em ko kammon kammon hadooh 3220 phut.
Da ini i ku ka um da sakhi leh yei duna i pyndooh bordiñ hei sngi kamjooh heipor pyrdi synyaaw iwa da hap ki paidbah kattu u chah la ar bnai tam.
Kam wow pynkynmoo wa neiliang ka sorkar nadooh u Montri Rangbah wa u Montri wa pait ya ka chnat Bordiñ da klam che wa mar ya joor slap daw ye u pynlait yei hap pyndooh bordiñ kawa da hap maad ki paidbah hadooh 10 kynta chi sngi.
