Kiwa chah ktah ha u COVID-19 ha Meghalaya da em ki palat 600 ngut hadien wa sdang ku syndet kiwa dang yoh nadooh ka 16-06-22 heiwa hadooh ynne kiwa dang chah ktah da em ki 628 ngut hadien wa em 97 ngut kiwa dang yoh ynne katwa kiwa dang chait da em ki 60 ngut.
Ynnin kiwa dang yoh da em ki 106 ngut, kiwa dang chait 64 ngut wa 4 ngut kiwa yap kiwa ha Ri-Bhoi (02), West Garo Hills (01) wa ha East Jaiñtia Hills (01).
Kiwa dang yoh ynne toh ha West Garo Hills (43), East Khasi Hills (23), North Garo Hills (08), Ri-Bhoi (08), West Jaiñtia Hills (05), South West Garo Hills (04), South Garo Hills (02), Eastern West Khasi Hills (02), East Garo Hills (01) wa ha East Jaiñtia Hills (01).
Kiwa dang chah ktah kiwa boon dooh toh ha West Garo Hills (352) wa ha East Khasi Hills (123) katwa ha kiwi ki District da em ki hapoh 50 ngut heiwa ha South West Khasi Hills ym em kiwa dang chah ktah.
Kiwa dang thiah Hospital kiwa boon dooh toh ha East Khasi Hills (41) wa ha West Garo Hils (20).
Waroh kiwa da dep chah ktah da em ki 95,084 ngut, kiwa da chait 92,851 ngut, kiwa dang chah ktah 628 ngut wa 1605 ngut kiwa yap.
