Ka la-ær wa ar ka khlam COVID-19 ha India da ktah joor ko ya waroh kawi ka ri wei ka thaaiñ mihsngi leh ym em lait ko na ka heiwa ka Assam da man ko kawa boon dooh na kiwa dang yoh ya uni u khñiang ynne ka sngi.
Ha Assam kiwa dang yoh toh 5,756 ngut kiwa boon dooh na Kamrup (M) kiwa em 1543 ngut katwa kiwa dang yap da em ki 50 ngut, kiwa dang chait da em ki 3,053 ngut. Ya kiwa dang yoh da chem deiwa Test ya 65,140 ngut iwa mut wa kiwa yoh da em ki 8.84% na kiwa chah Test. Waroh kiwa dang chah ktah da em ki 36,799 ngut.
Ha Manipur kiwa dang yoh da em ki 442 ngut, kiwa dang chait 85 ngut wa 12 ngut kiwa dang yap. Kiwa dang em ya uni u khñiang da em ki 3,851 ngut
Ha Tripura kiwa dang yoh da em ki 359 ngut, kiwa dang chait 117 ngut, kiwa dang yap 1 wei kiwa dang em ya uni u khñiang da em ki 2568 ngut.
Ha Nagaland kiwa dang yoh da em ki 333 ngut heiwa kiwa boon dooh kiwa dang yoh toh ha Dimapur-204 ngut, Kohima-116 ngut, Mokokchung-6 ngut, Mon-4 ngut, Tuensang-1, Peren-1 wa Longleng-1. Kiwa dang chait da em ki 19 ngut, wei kiwa dang chah ktah da em ki 2711 ngut.
Ha Arunachal Pradesh kiwa dang yoh da em ki 244 ngut katwa kiwa dang chait da em ki 135 ngut wei waroh kiwa dang em ya uni u khñiang da em ki 2002 ngut.
Ha Mizoram kiwa dang yoh da em ki 235 ngut, waroh kiwa dang em ya uni u khñiang da em ki 1906 ngut.
Ha Sikkim kiwa dang yoh toh 200 ngut, kiwa dang chait 65 ngut wa 5 ngut kiwa dang yap. Kiwa dang chah ktah ha uni u khñiang da em ki 2528 ngut.
