Ka Licypriya Kangujam kawa dang 12 snem i rta kawa na Manipur, da ku syndet ko haka rynsan ka United Nations Climate Conference 2023 (COP28) ha Dubai ynnin ka sngi deiwa rahlang waka kot wa em ki kyntien wa ong, “End fossil fuels. Save our planet and our future.”
Hawa ku ko ha kani ka rynsan da kbai ko deiwa ong hakhmat kiwa mihkhmat ki ri wa boon wym toh u pynsepai yei por wei wow pynyoo noh katni dei kaam wei da pynsñiaw ko leh yei pyrchah wa dang pteiñ wow chaniah ha ki phñiang kari, u mooyong wa ki Gas wei toh u pyrkhat ya ka juk wa daw wan neibhah daw yap da ki Million ngut lada kiwa yahkhmat katni ym ye ki u leh yeiwa emkaam.
Da ong ko leh boon kiwa da dooh yei mynsien neidaw wa kylla i chit i dait ha pyrthai iwa da wanrah chiboon i jai wa sñiawsih wei heithaw wow pynlut da ki Million Dollar ha ki thma, toh u pynemkaam ka yow pyndooh yei dooh baam, u pynbiang yaka puræ puthi wei wow yaleh pyrchah ya ka Climate Change.
Kiwa emlang ha kani ka kamra da thaap kti ki ya kani ka khynnah chwa wow chah yah ko cha lait na kani ka thaw.
U COP28 Director-General Ambassador, Majid Al Suwaidi leh da pynsñiaw u yei kmen u yoo yei chit mynsien kani ka khynnah wei da thaap kti lang u ya ka deilang wa kiwi.
Ka Licypriya Kangujam da khana ko wa da chah ksoh ko palat 30 minit hadien ini du neidaw wa pynyoo ko yei pyrchah yei Fossil Fuel wei hadien ini da beh ki ka napoh kani ka COP28.
Da pynsñiaw ko leh yei chrai wa da chah knieh ki Badge yong ka wa deiñ ko kam ki dak wow pyrchah deiwa dawa ko wow pynyuiñ biang ki neibhah wow pynyoo yei pyrchah man i hok yong ka kam ka bru kamjooh kam ka khynnah deiwa pynrap wa ini i chah pyndooh yei hok da jia i pynhapoh ka yalang wa pynman da ka UN.
Ha uni u snem da em kamwa 60,000 ngut ki Delegate na 190 tylli ki ri wa da wan chimbynta ha kani ka Climate Conference ha Dubai wei kani ka 12 snem toh kawa wan kam chibynta ka Special Envoy ka Timor Leste.
Discussion about this post