Shillong : U Justice Paul Lyngdoh, Genenral Secretary yong ka Kiang Nangbah Government College Student’s Union (KNGCSU) da pyntip u wa hadien wa dep yachem ki wa ka kong Roshan Warjri ka wa pait ya ka tnat puræ puthi, da kular ko wow chna noh ya ki kamra puræ wa thymme nadooh u Duyatra (January) 2017.
Neiliang ka montri leh da pyntip ko wa ka sorkar da yoh ko ya ka poisa na ka sorkar pyrdi wei daw phah noh ya kani ka poisa cha ka PWD Building yow leh ko yeiwa emkaam. Da kular ko leh wa ya kiwi kiwa emkaam ka College ka sorkar daw chim khia ko ya ki waroh.
Ha kani ka sngi leh neiliang yong ka KNGCSU da booh dorkhat ko kawa em hadooh khatsoo tylli ki phang dawa na ka montri, wow sdang u chna noh ka ya ki kamra puræ, ka Laboratory neibynta kiwa puræ Science wa kiwi kiwi.
Da dawa leh toh wow chna ya i thaw sah ya u Superintendent hapoh ka hostel ki chynrang, i thaw sah ya ka warden ha ka Hostel ki kynthai, u chna ya ka Canteen wa thymme, u chna ya ka library thymme, u yoh sa ka wi ka College Bus, u booh ya ki security guard wei wow chna pynmiat ya ka madan yalehke ka College.
Ka seiñ leh da dawa ko wow chna ya u Mot sahkynmoo ya u Kiang Nangbah hapoh pchem yong ka College, yow pynboon ya ki Computer yow kyntu yei stat Computer ki khynnah yow kyntu yei kyrdan puræ ha i liang ki kor computer neibhah wa duna ware ki katni hapoh ka College.
Also Read:Daw yoh ka KNGC T. 2 Klur yow chna ya ki kamra thymme hapoh ka College
Discussion about this post