Heiyatoh wa ka pynbna paidbah kawa da pynmih na ka Office ka MBOCWB Shillong, neiliang i yong nga kam u President ka All Jaiñtia Muster Roll Workers & Labour Union, Jowai da yoh O u yaklam wa u D.P. Wahlang, IAS Principal Secretary Labour Department heijooh i por u Chairman yong ka MBOCWB, da khana O ya O wa ki wakreh Muster Roll ha ki chnat ka sorkar ha Jaiñtia Hills ym pu yoh ki ya ka bai nongsngi da palat ya ka ynru bnai kattu, kamtæ da chem jynjar bha u imlang neidaw wa ym yoh poisa de u thied khoo thied marbaam wa da syad ware i dor marbaam ha yaw ha haat ha Jaiñtia Hills.
Kamtæ neiliang u Wahlang da ong u wa ham khuslai, wa ya katni neiliang yong ka Office ka yong oo daw phah ko yaka poisa (Fund Transfer), kani toh ha ka yurim Humanitarian Crisis, i emkam i u yarap nyngkong chwa ya kiwa duna wa tymbuiñ, ki kyndon ki aiñ u wan won ki hadien.
Kamtæ waroh kiwa da em pyrtuid (Registered Members) daw yoh yarap hi ki lada ym pu yoh ki u e katni ya ki kot cha ka Office yong ka Board lyngba ka Office u Deputy Labour Commissioner ka West wa ka East Jaiñtia Hills District.
Katda kamtæ, kyrpad i ya waroh kitu ki dkhot kiwa da dep Register ha ka MBOCWB wa ym hoi de u sorsa ki heiyatoh wa kani ka kaam. Iwa kongsan tam toh u chongkhop chwa ha yung ha sem yow lait na u COVID-19 wa u bood chwa ya ki hukum ki bor sorkar kiwa ki bru sorkar da yaleh chitom ki u pyntoh pynbiang yow lait i kiwa chong chnong ka jylla Meghalaya na uni u COVID-19.
Ka kyrwoh na u L. Pariat, President All Jaiñtia Muster Roll Workers & Labour Union, (CEC) Jowai.
Discussion about this post