Kular ka sorkar ya ka HYC wow pynbiang yei dawa ka seiñ yow yaleh thma yei drugs

Ka Hynñiewtrep Youth Council (HYC) da yoh ko yei kular na ka sorkar wow pynmankaam ya ki 7 tylli ki dawa kiwa da booh neibynta wow yakhun thma pyrchah yei drugs.

Ini toh hadien wa ka HYC da thoh ko cha ka sorkar wow dawa pynkrehkaam yei dawa wa ka seiñ da booh ko hapoh ka Drug Reduction Elimination Action Mission (DREAM), heiwa neiliang ka sorkar lyngba u Montri ka chnat Social Welfare da khut yaklam u ya kiwa yahkhmat ka seiñ deiwa kular wow chimkhia wow pynmankaam yeiwa da dawa.

U President ka HYC, u Roykupar Synrem da ong u wa ka seiñ dang yang ko yei thoh wa ka sorkar daw phah ko hawa yatoh wa ini i kular, tangwa heijooh i por da ong wa ka seiñ daw pteiñ bait ko ya ka yalang paidbah wa da pynbait wow pynman ha Motphran ha ka 7 tarik uni u bnai, wei lada ka seiñ yoh ko dei thoh yei kular ka sorkar daw pyrkhat ko wow pynsangeh noh næ wow toor bait cha Secretariat ha katai ka sngi.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026