Ki wakreh ka GHADC hapoh ka lama ka Non-Gazetted Employee Association (NGEA) heiyatoh wa i kular u CEM ka GHADC ha ka 10-08-21 wow su ya ka tulop wa 3 bnai iwa da pynbna biang ha 17-09-21 yow su cha chi bnai itæ waroh 4 bnai (Feb-May) yong u snem 2019 da ka tulop wa da kheiñ hei su warim (Pre Revise Pay) iwa da pynbna u leh ha ki rynsan Social Media.
Neiliang ka NEGA da ong ko wa ini ym toh iwa thymme wei ym toh i wow sñiaw sarong neibhah wa ini toh iwa dang artatien neibhah da yakhih wow pynlait tulop nadooh ka yong u snem 2018 iwa nadooh ka EC warim wa ka EC wa katni wei ym em wa ye u su ya ka tulop.
Da ong leh wa da yakhih leh wow pynkrehkaam da ka Meghalaya Fifth Pay Commission hawa su ya ka tulop wei wow pynlait ya ka tulop yong ka 5 bnai chisien pynlait, wei hadien ini yow pynlait ya ka tulop sa 3 bnai katkam wa toh u su hapoh ka Fifth Pay Commission, wow leh Audit wei wow pynchitom ya ki MDC warim kiwa pynemkaam baklam ya ka posa wei wym toh wow pyndik ya ki wakreh lane wow beh kreh ki heiwa ya u President ka NGEA da dep wow beh kreh ya oo wei ya ka 7 ngut won ki Executive Member won da beh kreh chipor du neidaw wa pynman yakhih ki.
Kamtæ da ong wa ini waroh toh i leh du wow kset yei sur ki wakreh yow lait ki wow yakhih neibynta i hok yong ki.
Ka kyrwoh na u Demure T. Sangma, Vice President (NGEA).
