Kular u Conrad wa u Shakliar wow yarap ya ka men Khmoin yow lai phet Marathon cha Australia

Ka sorkar jylla da kular ko wow e kyrchaan yei lut i sep yong ka men Khmoin Wahlang yow yoh ko u lai chimbynta ha ka yakob phet kawa daw pynman ha Australia ha u bnai wow wan.

Ini i kular ka sorkar toh hadien wa ka men Kmoin da wan ku khnang ko chapoh Secretariat ynne ka sngi yow yachem wa u Montri Rangbah ka jylla, u Conrad Sangma wa u Montri ka chnat yalehke, u Shakliar Warjri yow paan yarap na ka sorkar neibhah i lut man i iwa heh wow lai cha katai ka ri.

Da khana ko wa i lut ym duna i 2-3 lak tangka wei daw chimbynta ko wow phet Marathon kawa 10km, 5km, 3km neitæ ka 1500m wa 400m.

U Shakliar da ong u wa sñiawkmen u wa ha i rta yong ka iwa dapoi 76 snem leh dang yoh ko yei doh i pran iwa chait wa khiah yow chimbynta hei yaphet pyllah wei da kyrmen u wa i ya chimbynta yong ka daw man ko ka nongmuna ya kiwi deiwa wanrah yei naam wa i burom ya ka jylla.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

Hawa yatoh wa i kular ka sorkar wow kyrchaan, ka men Khmoin da pynsñiaw ko yei sñiawngooh ya ka sorkar khamtam ya u Montri ka chnat yalehke wa ya u Montri Rangbah jylla. Da ong wa da ini i daw yarap i ya ka wow lai chimbynta chooh cha kiwi kiwi ki thaw wei da kyrmen ko wow jop ya ka thong.

Kiwa yoh wow lai mihkhmat ya ka ri India cha ka Marathon ha Australia na ka jylla Meghalaya da em ki ar ngut wei deilang waka men Kmoin Wahlang kawa na Shngimawlein, South West Khasi Hills District da em leh ka Wandashisha Dewkhait kawa na Nongsder, Ri-Bhoi District.