U Chief Minister ka jylla, u Conrad Sangma da ong u ynne wa ka sorkar yaleh ko wow yada ya ki Rbai (Chinese Pangolin) hadien wa u heh ka Liang Pyrchah, u Dr. Mukul Sangma da maham u wa da sdang duna ki ha Garo Hills.
U Dr. Mukul da ong u wa i tynyap ya kini ki mrad da joor bha i deiwa pynrap wa ka Wildlife Division kreh ko du ha Baghmara, South Garo Hills, wei da ieh ya kiwa boon ki thaw.
Da kyntu u wow booh noh ya ka Wildlife Division wa thymme.
U Mukul da ong u wa i wym em ki Rbai da ktah i ya ki kpær neibhah wa boon ki tku wa baam ya ki mar rep neibhah kini ki Rbai toh kiwa baam tku.
Neiliang u Conrad da kular u wow chimkhia wow yada ya ki Rbai ha Garo Hills.
Discussion about this post