Jowai: Hadien i iachem ki nongialam ka Jaintia National Volumteer (JNV) ia u ADC ka WJHD, ynne ka sngi kiwa kynthup ia u Secretary Education u khynroo Strong Pillar Talang deilang u Secretary Sports u Solomon Pakem da lai ia chem ki ia u President ka Sein Raij Jowai, hajrong i chah pynkynriah noh ki nongchong dai harood sarok nae ha ki luti kjet (Footpath) iong ka Iawmusiang Jowai.
Neiliang ka seiñ JNV, ka SRJ wa ki bor iong ka District da kyrpad ki ia waroh kitai ki nongchong dai wow chongdai noh ha ki thaw wa ka Sein Raij Jowai dep chna neibynta ki nongchongiaw kawa khlem em iwon iwon i su nae permit kawa u su ki toh ka bai dan kawa 10 nae 20 tyngka shi sngi donhi ong u Chairman ka SRJ.
Neiliang ka JNV da kyntu ko ia waroh kitai ki nongchongdai harood luti wa ym toh de u mlien ki u chongdai ha ki luti synkien, emkaam u ngeit ki ia i pyllai ki bor iong ka District neibynta i bha i miat yonglang ki paidbah waroh.
Chooh chooh ka District Administration toh u chim khia ko yeini i kam khlem da leh chiliang khmat ia kiwon kiwon, toh u phah lut ia waroh ki nongchongdai cha katai ka thaw wa da kdaw kawa em ha Iawmusiang wei wa lada ka seiñ chem ko wa em i leh chilliang u lai ko da kawi an ka luti.
Discussion about this post