Ka JSU-Khliehriat Circle ynne da yachem ko wa u DC ka East Jaiñtia Hills District neibynta u chimkhia u thooh laad wow khanglaad chisiendon yei jia wa sñiawsih kamwa dadep jia ha chong Umkiang wa ha chnong Dona.
Neiliang u DC da kular u wow thooh ya ki laad, wei da khana u leh dadep yaklam u ya kani ka kaam chadooh ki heh sahep ka jylla.
Da pyntip u wa neiliang ka sorkar leh da pdiang ko u chimkhia noh ko wut-wut u thooh ya ka laad wow khang laad ya kam kini ki jia wa sñiawsih yaka jaitbru yow lait de u jia neini chakhmat.
Neiliang won yong ka seiñ JSU da pynsñiaw chooh chooh ko leh ha u DC wow beh noh u yaki BSF kiwa yang ha National Highway ha chnong Sunapur wei wow lai yang ki cha Zero Point yong u pood u ang ka India waka Bangladesh, neidaw wa ki paidbah emkaam ki yaki BSF ha khappood ymtoh ha sarok National Highway, heiwa u DC da jubab u yaka JSU wa neiliang yong ka sorkar leh dang em ko hapyrdi i lai luti wow pyndooh noh yaki BSF wa yang ha sarokbah ha ki bynta ka chnong Sunapur.
Discussion about this post