Kular u DC wow khut da ka yalang heiyatoh wa ka Toll Plaza: Rikut Parieñ

Hadien wa yoh ya ka ujor na kiwa boon walang khamtam na ka thaaiñ Laskeiñ C&RD Block kiwa lai wa wan lyngba u NH-6 wa chah khrong dan ki ha ka Toll Plaza wa em ha Pasyih, ynne ka sngi u MDC ka 13-Saphai Sahsniang, u Rikut Parieñ chirup wa ki kattu katni da lai yachem u ya u DC ka West Jaiñtia Hills, u Abhinav Kumar Singh heiyatoh wa ini.

Neiliang u Rikut da e u leh ya ka Dorkhat wow khana yei chem chitom ki paidbah kamjooh i chah pyndik ki ha kani ka Toll Plaza.

Da kdaw leh wa ha ki yalang wa dadep da rai wow dam u su ya ka dan neibhah wa boon ki bru pynemkaam ki du kattu katni Kilometer donhi tangwa hap su ki i jooh kam kiwa pynemkaam da ki phaw Kilometer uni u sarokbah NH6.

Hadien wa yachem wa u DC, u Rikut da khana u wa neiliang u DC da kular u wow khut da ka yalang ha ka tayaaw wa khaddooh uni u bnai næ ha ka tayaaw wa nyngkong u February heiyatoh wow pyrkhat yillu ya ini i kaam.

Related posts

Mynjur ka Mizoram ya ka aiñ yow pyndooh yei tipmit ya ki kynthai wa bia wa kiwa na baar | Ym yoh ST de hadooh ki ksu ki

February 26, 2026

Pynlait u Sniawbhalang Dhar Rs. 6 lak cha ka Dong Iawpynsiñ, Ummulong

February 26, 2026

U Rikut da ong u wa katkam ka aiñ ka NHAI ki bru wa sah hapoh 20 Km na ka Toll Plaza ym emkaam ki wow su ya ka dan.

Heijooh i por da kyntu u ya ki seiñbhalang kamjooh ki seiñ ki kari kamai wa man kiwa yatylli wow pyrkhat ya i khrong dan kani ka Toll Plaza.