Jowai: Ha kani ka 24 tarik ka San Shnong Development Organisation (SSDO) kawa kynthup ya ka chnong Barato, Mukroh, Maitdein, Saba wa Iongkynshur da e dorkhat ko ha u Executive Engineer ka PWD (Jowai North Division).
Ya ini da leh hapoh i yahkhmat u Hamboyde Sumer u Chairman ka seiñ uwa man kam u Waheh Chnong ka Mukroh wei ha ka dorkhat da khana heiyatoh wa i sih wei i man i long u sarok wei wow kyntu wow chna pynmiat noh leh ya u sarok Laskein Barato khamtam yaka yingkieñ wa em ha Rymphum (Myntang) neibhah kani ka yingkieñ man ko kam u thied snaam kani ka thaaiñ.
Ka seiñ da pynkynmoo ko leh ya u EE wa emkaam wow chna smat ya uni u sarok neibhah wa daw man ka Synod KJP Mihngi ha Barato ha u Wisu (March) 2021.
Hadien ini i yachem neiliang uni u sahep leh da kular u wow chimkhia yeini i kaam.
