Shillong: Hadien wa ka seiñ kieñ suloi na ka jylla, ka Hynniewtrep National Liberation Council (HNLC) da pynsñiaw ko yei kwah wow poi noh cha ka miej wow yaklam. U Montri ka sorkar jylla uwa man leh u MLA ka BJP na Pynthorumkhrah u AL Hek ha i lai yong oo cha Delhi, da pynsñiaw u ya ini i angnood yong ka HNLC hakhmat ka sorkar India.
U Hek da pyntip u wa hajrong ini i kaam wow pynpoi ya ka HNLC cha ka miej yaklam, da yachem u wa u Montri khynnah ka chnat kaam pohyung ka sorkar India, u Kishan Reddy, deiwa pynrap leh wa neiliang u Reddy da pynsñiaw u yei sñiawsuk wa ka HNLC smat ko wow wan yaklam yasuk neibynta ka suk ka saaiñ ha ka jylla Meghalaya.
U Hek da pyntip u leh wa u Reddy da kular u wow chimkhia ya kani ka kaam deiwa daw lai rah ya kani ka khubor cha u Montri Rangbahdooh ka ri, u Narendra Modi wei kamjooh cha u Montri kaam pohyung, u Amit Shah neibynta wow yaklam yasuk.
