Ka North-Eastern Hill University (NEHU), Shillong da sakhi ko yei kynaad da ki tayaaw kattu wei heiyatoh wa ini u Vice-Chancellor In-Charge, u Prof. Nirmalendu Saha da ong u wa ka skurbah kular ko ya waroh wow wanrah biang yei suk i saaiñ wei wow wanrah biang ya i e sikai kam nachwa.
Da ong u wa mar chimkti u kam u VC da pyrkhat u ya i bha i miat ki khynnah kiwa man u chrot pyrdi ka NEHU wei da yaklam u wa ki khynnah boonsien deiwa sñiawkhia ya i chait i khiah yong ki khamtam nei chah thngan deiwa kyrpaad ya ki wow pynkut noh yeini deiwa ngait skem wa lyngba i yaklam daw poi chei ya sñiawthooh.
U Prof. Saha da ong u wa da yaklam u wa ki Doctor kiwa booddien yei man i long ki khynnah neibhah wa sñiawkhia u yeini.
Chooh chooh da ong u dadep yachem yaklam u wa kiwa boon wa kynthup ya kiwa yahkhmat ka NEHU Students’ Union (NEHUSU), ka NEHU Non-Teaching Staff Association (NEHUNSA) wa ka NEHU Teachers’ Association (NEHUTA).
Da pyntip u wa ki yaklam da man kiwa jop heiwa ka NEHUNSA da pdiang ki wow sdang kreh biang yong ki kattu katni khamtam ka Administrative Section wow pyntikna wa ki Scholarship wa kiwi ki kaam u pteiñ ki.
Heiyatoh wa i takit da ka Inquiry Committee kawa kynthup lang wa ki dkhot na waroh ki seiñ, da ong u wa da kreh chitom wow pyndep ki hapoh i por wa da booh katkam wa phah da ka Ministry of Education. Da yaroh u leh ya waroh kiwa embynta ha ini i takit deiwa kyrpaad ya waroh wow kreh ki deiwa khooid wei wow em i bahkhlieh.
Da ong u leh wa kam ka University iwa kongsan toh yow pait yeiwa emkaam kiwa lai puræ wei u yaleh wow pyndur wei wow pynkupbor ya ki khynnah deiwa kular wa ki rai wow chim toh i wow myntoi ya kiwa lai puræ waroh.
Heijooh i por da ong u wa u yaleh ki katwa ye yow lait u chitom ki khynnah wei u yada yei hok wow yoh ki yei stat i tip.
Discussion about this post