Ka North-East Sports Development Foundation (NESDF) toh kawi na ki seiñ wa kreh monsñiawbha wow pynku ya ki kaam yalehke Football hapoh Ri-Loom Jaiñtia, ka jylla wa ka thaaiñ deiwa da pynman ya ki esikai wa ki lympung yalehke Football nadooh ki snem wa dadep.
Ha kani ka tayaw wa dadep, ka NESDF hapoh i yahkhmat u montri ka jylla, u Kyrmen Shylla, wa u Ajoymeson Lyngdoh chirup wa ks Sportscraft (Guwahati City FC) hapoh i yahkhmat u Co-Director u Darick Ranjan Deka da yachem ki ya u montri ka sorkar pyrdi wa pait ya ka Youth and Sports u Kiren Rijiju ha nongbah New Delhi.
Ha i yachem da pynsñiaw ya ki kaam ka ka NESDF wa i angnood yong ka wow pynku ya ki kaam yalehke Football nadooh i thrang wow booh ya ka thaw esikai, wow pynkup burom ya ki khloor yalehke Football ka thaaiñ wa kiwi kiwi.
Neiliang u Rijiju da kular u wa ka sorkar pyrdi u e yarap ko ya ka NESDF ha ki kaam yong ka wow pynku ya kani ka yalehke ha ka thaaiñ.
