Jowai: Ka Mynsngat Khanduli Development Committee (MKDC), West Jaiñtia Hills, ynne ka sngi da yachem ko ya u MLA ka Nartiang uwa man leh u montri ka sorkar jylla, u Siawbhalang Dhar wow booddien wei wow yaklam yei emkaam ki paidbah ka thaaiñ.
Ha ini i yachem da yaklam hajrong i pynku kyrdan ya ka Namdong PHC cha ka CHC wei wow wanrah ya ka Meghalaya Cooperative Apex Bank ha Namdong B.
Da yaklam leh wow pynku kyrdan ya ka Khanduli Sub Centre cha ka Primary Health Centre wei kamjooh leh wow wanrah ya ka Community & Rural Development Block Office ha ka thaaiñ Namdong.
Ha ini i yachem neiliang u Sniawbhalang Dhar da kular u wow chimkhia wow yaklam hajrong kini ki phang waka sorkar katkam i emkaam ki paidbah.
Heijooh i por ka Committee da e ko yei sñiawngooh ya u MLA uwa da yarap chiboon ya ki paidbah ka thaaiñ khamtam ha kini ki bnai wa dadep wa em ka khang chnong deiwa pynpoi u da u khoo cha ki manyung wa emkaam yarap.
Da kyrmen ki leh wa u Blai u e u ya oo dei chait i khiah wa i doh i pran wa khlan khnang wow ye chooh u wow chakri hok ya ki paidbah ha kini ki por wa daw wan.
Kani man ko katkam ka Wyrta na u Denis Dkhar uwa man kam u President ka Committee wa na u Yoshida Nongspung uwa man kam u Secretary ka Committee.
