Ynne ka sngi ka MPUF-East Jaiñtia hapoh i yahkhmat u President yong ka, u Kyrshan Blah da lai e dorkhat ko ha u Superintendent of Police ka East Jaiñtia, heiyatoh wow booh pulit pynlai kari hajan ka Khliehriat Higher Secondary School nadooh 8:00 waje i step chwa wow sdang skur wei 3:00 waje i janmiet manda kut skur.
Heiyatoh wa ini neiliang u SP da kular u wow chimkhia ya ini i dawa ka seiñ heiwa nadooh mynstep daw booh noh ya ki pulit ha ini i thaw.
Kam wow kdaw heini, kani ka skur em ko harood u sarokbah NH06 kamtæ da dawa yeini khnang wow chngaaiñ i lai i wan ki khynnah.
Ka seiñ da dawa ko leh na u SP wow em ki pulit ha man ki skur wa em harood u sarokbah khnang wow lait na iwon iwon i jia wa sñiawsih.
