Jowai : U Zenith Sangma u Montri wa peit ya ka tnat Sports & Youth Affairs da kular u wow chna sa kawi ka thaw chong ‘Sitting Gallery’ ya ki wa wan peitke ha ka Kiang Nangbah Stadium, Ladthadlaboh hadien wa yoo u wa boon ki paidbah wa wan peitke ya ka final Super Division ha ka 12 tarik uni u bnai haap ki u yieñ dei yeiñ soo dong kani ka madan.
Ong u wa kamwa T. 25 Lak da dep mynjur ka sorkar yow chna ya kani ka thaw chong wei wa yooluti leh wa i kreh u sdang i chwa u kut uni u Financial Year.
Da pyntip u leh wa da em i thmu leh wow chan ya ka ‘Synthetic Track’ lane i thaw phet wa kyrpang ha rood kani ka madan kamjooh leh i chna ya kawi ka Tennis Court.
Ong haroh u wa ka sorkar dadep pynbiang poisa ko ya ka West Jaintia Hills weiwa waroh ki Sports Club næ ki organisation wa dep register wa ka sorkar ye u lai paan yarap poisa na u District Sports Officer heiyatoh u leh ya ki coaching camp wa kiwi ki kaam wa yarap u pynku ya ka sport hapoh ka district.
Da pynknmoo u ya ki paidbah wa ka jylla daw pynyaleh (host) ko ya ka 12th South Asian Games ha Shilllong wei da khut u leh ya waroh ki bru wa ka-it sports u wan peitke ki ka wa daw sdang nadooh ka 6 tarik hadooh k ka 16 tarik u Thohlakhmi ha u snem wa daw wan.
Discussion about this post