Kut ka e sikai chna phlim wa 5 sngi

Jowai : Ka Meghalaya Film Institute ka skur sikai ya ki paidbah kiwa thrang u tip bniah chaphang kiwa boon jait ki liang hei yatoh wow chna phlim nadooh ka ‘Pre-Production’ iwa kynthup yei thoh ya ka parom (scripting/screenplay), Recce namo i jied ya ki thaw ak thaw riñ ya ka phlim, Casting i rukom jied ya ki nong ak, Cinematography i rukom riñ pynmiat ya ka phlim, Direction i sap pynwan dur ya ka phlim na wa sdang ha wa kut, i Editing i rukom ah ya ka phlim wa kiwi ki wa emkaam ha i chna phlim ynnin ka 19 tarik da saam Certificate cha ki 5 ngut ki bru wa wan yow yoh sikai na kani ka skur.

Kani ka skur toh ka wa seiñ thymme da ka kong Phidalia Toi ka wa kwah u e laad ya ki jaitbru yong i kiwa em i sap hei ak, i riñ phlim wa kiwi yow ku ki cha ka kyrdan hadooh wow ye ki u pyntoh bor wa kiwi hapoh ka Ri India.

Da sdang ya ka e sikai nyngkong ka wa khut ka ‘Film Direction Condense Course’ namo ka e sikai wa tbian hei yatoh wei rukom pynchna ya ka phlim hei dur wa yahaap wa ka parom nadooh i rukom ak, rukom riñ wa i rukom edit ya ka phlim ha ki khajak sngi heipor 5 waje i janmiet hadooh 8 waje i miet ha Jaintia Secondary School, Jowai.

Ya kani ka esikai da sdang nadooh ka 14 tarik wei da pynkut ha ka 19 tarik. Da sikai ya ki 5 ngut ki wa wan cha khmat da ka kong Phidalia wei da wan sikai leh ha ki ar sngi ka 18-19 tarik da u Subodh Kumar u wa man kam u Senior Producer Zee TV, Mumbai.

Related posts

Da ka S-Presso, ka Hero X Pulse, i ksiar wa ka Latop u pynkhle ka Iapmala Presbyterian U.P. School

November 22, 2024

Da rah tarik ya ka sngi pynkhle ya ka Lucky Draw ka Ñiaw Wasa United Sports & Cultural Club

November 22, 2024

Hei yoh u yaklam wa u Subodh Kumar da ong wa ini toh i sdang wa khian, neibhah neini cha khmat daw wanrah sa ki wa boon ki bru chemphang na kiwa boon ki skur kamjooh ki bru chemphang hei yatoh wei rukom chna phlim na kylleiñ ka ri yow e sikai ki ya ki bru wa em i thmu u im jakpoh nei chna phlim.

Ong u leh wa daw chna ya ka editing studio, sound studio wa kiwi deiwa booh leh ya ki tiar ki tar wa yatoh katkam ka juk wa katni.

Ha ka yalang pynkut heiwa da saam leh ya ki certificate neibynta kani ka e sikai wa nyngkong ka Meghalaya Film Institute da pynman ha yung ka kong Phidalia Toi.

Kamwa pynkynmoo ka Kong Phidalia toh ka wa nyngkong dooh wa pynmih phlim (feature film) napoh Ri-Loom Jaiñtia ka wa da e pyrtuti ko “Nga la bakla” ka wa pynmih ha u snem 1990.