Ka e sikai wa chisnem lynter hajrong kammon u pynku yei sap chna kchu khyndaw ha chnong Tyrshang wa Larnai, West Jaiñtia Hills District wa pynman da ka Craft & Engineering Division (RC&E), MGIRI, Wardha lyngba i kyrchaan poisa ka chnat Commerce and Industries (DCI) Shillong, yong ka sorkar jylla wa da pynkrehkaam won da ka Mahatma Gandhi Institute of Rural Industrialization (MGIRI) Wardha, da pynkut noh yaka ynne ka sngi haka yalang wa da pynman ha Larnai Community Hall hei emlang u M.L. Wanshong, Joint Director DCI, Shillong, u B. Warjri, General Manager, DCIC, Dr. K Venkata Rao, Dy. Director MGIRI, ka S. Kharpran, Functional Manager, DCIC Jowai, u Chairman ka chnong Larnai, u Kyrmenlang Pyrtuh deilang kiwa chna kchu khyndaw kiwa da emlang.
Ha kani ka sngi pynkut, u Dr. K. Venkata Rao, Dy. Director MGIRI, Wardha da pyn-eh-daw u ya kiwa chna kchu khyndaw wei kyntu u leh hajrong i emkaam u pteiñ yei sap kamjooh i stat i chemphang wa da yoh ki lyngba kani ka Training.
U M.L. Wanshong, Joint Director DCI, Shillong da yaroh u hajrong i lai chakhmat kani ka Project wa toh dei ya krehlang kiwa chna kchu khyndaw wa kynthup nadooh i lai chimbynta yong ki wow sakhi yei rukom chna kchu khyndaw cha Siliguri wa cha Varanasi iwa da yarap pynku chooh chooh yei sap yong ki.
Neitæ kular u leh wa neiliang ka chnat Commerce and Industries daw pteiñ chooh chooh ko u emlang chirup wa ki.
Neiliang kiwa chah sikai leh da e khublei ki ya u Dr. K. Venkata Rao, u Dy. Director MGIRI waka kynhun yong ki, neitæ yaka chnat Commerce and Industries wa da wai ki kam kani ka laad neibynta yong ki, neibhah ym du wa yoh ki yei sikai tangwa yoh ki leh ka laad u lai sakhi dei khmat yong ki hi cha ki thaw waphær waphær.
Kam wow pynkynmoo ka thong wa hakhmat dooh yong kani ka e sikai toh yow pynku chooh chooh yei sap tynre hei chna kchu khyndaw, yow man iwa lai yaaw, iwa yoh nong wei u man leh ka laad kamai lyngba kam kani ka karkhana tynre yow yoh khih yoh khan. Neitæ yow sñiawthooh leh heiyatoh kammon u pynlai yaaw ya ki tiar najrong kiwi won ki jait sikai.
Discussion about this post